തിരുവനന്തപുരം: അതിവേഗ റെയില്‍ പദ്ധതിയെ എതിര്‍ക്കില്ലെന്നും ആര് വികസന പദ്ധതി പ്രഖ്യാപിച്ചാലും സി.പി.എം പിന്തുണ നല്‍കുമെന്നും സംസ്ഥാന സെക്രട്ടറി എം.വി ഗോവിന്ദന്‍. അധികാരത്തില്‍നിന്ന് പോയെന്നു കരുതി അതിവേഗ റെയില്‍ പദ്ധതിയെ എതിര്‍ക്കില്ല. കേരളത്തിന് ഗുണം ചെയ്യുന്ന വികസന പദ്ധതികളാണ് വേണ്ടത്. 
കെ റെയില്‍ പദ്ധതി വേണ്ടെന്ന് വച്ചതിന് യു.ഡി.എഫ് സര്‍ക്കാര്‍ കേരളത്തിലെ ജനങ്ങളോട് മാപ്പുപറയണമെന്ന് എം.വി ഗോവിന്ദന്‍ പറഞ്ഞു. യു.ഡി.എഫ് സര്‍ക്കാര്‍ പദ്ധതി പ്രഖ്യാപിക്കുന്നത് പ്രചാരണത്തിനു വേണ്ടി മാത്രമാണെന്നും വികസനത്തിനു വേണ്ടിയല്ലെന്നും എം.വി ഗോവിന്ദന്‍ പറഞ്ഞു.