മഞ്ചേരി: പ്രത്യേക സംരക്ഷണവും പരിചരണവും ആവശ്യമുള്ള കുട്ടികളെ താമസിപ്പിക്കുന്ന ജില്ലയിലെ 77 ബാല സംരക്ഷണ സ്ഥാപനങ്ങള്‍ ബാലനീതി നിയമപ്രകാരം രജിസ്റ്റര്‍ ചെയ്തു. അഞ്ചു വര്‍ഷത്തേക്കാണിതിന്റെ കാലാവധി. ജില്ലയിലെ 113 ബാല സംരക്ഷണ സ്ഥാപനങ്ങളില്‍ 77 സ്ഥാപനങ്ങളാണ് രജിസ്‌ട്രേഷനു വേണ്ടി അപേക്ഷ സമര്‍പ്പിച്ചിരുന്നത്. രജിസ്‌ട്രേഷന്‍ നടത്താനുള്ള സമയം ഈമാസം 31വരെ നീട്ടിയിട്ടുണ്ട്.
ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ രജിസ്‌ട്രേഷന്‍ സര്‍ട്ടിഫിക്കറ്റ് വിതരണം ചെയ്തു. ജില്ലാ ചൈല്‍ഡ് പ്രൊട്ടക്ഷന്‍ ഓഫിസര്‍ സമീര്‍ മച്ചിങ്ങള്‍, എ.കെ മുഹമ്മദ് സ്വാലിഹ് ക്ലാസെടുത്തു. ഓര്‍ഫനേജുകള്‍ ഉള്‍പ്പെടെ ജില്ലയിലെ ബാലസ്ഥാപനങ്ങളിലെ മാനേജ്മന്റ് കമ്മിറ്റി അംഗങ്ങളും സ്ഥാപന മേലധികാരികളും പങ്കെടുത്തു.