മുംബൈ: ത്രിരാഷ്ട്ര വനിതാ ടി20 പോരാട്ടത്തില്‍ രണ്ടാം മത്സരത്തിനിറങ്ങിയ ആസ്‌ത്രേലിയക്ക് തോല്‍വി. തങ്ങളുടെ ആദ്യ മത്സരത്തിനിറങ്ങിയ ഇംഗ്ലണ്ട് വനിതാ ടീം ആസ്‌ത്രേലിയയെ എട്ട് വിക്കറ്റിന് പരാജയപ്പെടുത്തി. ആദ്യം ബാറ്റ് ചെയ്ത ആസ്‌ത്രേലിയ എട്ട് വിക്കറ്റ് നഷ്ടത്തില്‍ 149 റണ്‍സെടുത്തപ്പോള്‍ മറുപടി ബാറ്റിങിനിറങ്ങിയ ഇംഗ്ലീഷ് നിര 17 ഓവറില്‍ രണ്ട് വിക്കറ്റ് മാത്രം നഷ്ടത്തില്‍ 150 റണ്‍സെടുത്ത് വിജയിച്ചു. നതാലി സീവറുടെ ഓള്‍റൗണ്ട് മികവാണ് ഇംഗ്ലണ്ടിന്റെ ജയം അനായാസമാക്കിയത്. 68 റണ്‍സെടുത്ത് പുറത്താകാതെ നിന്ന് ടോപ് സ്‌കോറായ താരം നേരത്തെ രണ്ട് വിക്കറ്റും വീഴ്ത്തിയിരുന്നു.