തുറവൂര്‍: കേന്ദ്ര സര്‍ക്കാരിന്റെ പെട്രോള്‍, ഡീസല്‍, പാചക വാതക വില വര്‍ധനവില്‍ പ്രതിഷേധിച്ച് കുത്തിയതോട് മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ പ്രതിഷേധ പ്രകടനവും സമ്മേളനവും നടത്തി. ബ്ലോക്ക് പ്രസിഡന്റ് ദിലീപ് കണ്ണാടന്‍ ഉദ്ഘാടനം ചെയ്തു. മണ്ഡലം പ്രസിഡന്റ് പി മേഘനാദ്, എം കമാല്‍, കെ ധനേഷ്‌കുമാര്‍, പി സലിം, കെ.ജി കുഞ്ഞിക്കുട്ടന്‍, എന്‍ ദയാനന്ദന്‍, പി ഭാനുപ്രകാശ് എന്നിവര്‍ നേതൃത്വം നല്‍കി.