തിരുവനന്തപുരം: കേരളാ പ്രീമിയര്‍ ലീഗ് 2017-18 സീസണിന് ഏപ്രില്‍ ആദ്യ വാരം തുടക്കമാകും. രണ്ട് ഗ്രൂപ്പുകളിലായി 12 ടീമുകളാണ് ടൂര്‍ണമെന്റില്‍ മാറ്റുരക്കുന്നത്.
കഴിഞ്ഞ വര്‍ഷത്തെ ചാംപ്യന്‍മാരായ കെ. എസ്. ഇ. ബിയും റണ്ണറപ്പായിരുന്ന എഫ്. സി തൃശൂരും ഒരോ ഗ്രൂപ്പിലാണുള്ളത്. ആദ്യമായി ലീഗില്‍ പങ്കെടുക്കുന്ന കേരളാ ബ്ലാസ്റ്റേഴ്‌സ് എ ഗ്രൂപ്പിലാണ്.
ഗോകുലം എഫ്. സിയും എസ്. ബി ഐയും ഗ്രൂപ്പ് ബിയിലെ ശക്ത സാന്നിധ്യങ്ങളാണ്. ഏപ്രില്‍ നാലിനായിരിക്കും ടൂര്‍ണമെന്റിന്റെ കിക്കോഫ്.