തിരുവനന്തപുരം: പണം ഇല്ല എന്ന കാരണത്താല്‍ കുട്ടികള്‍ സ്‌കൂളുകളിലെ പഠനയാത്രയില്‍ നിന്ന് ഒഴിവാക്കപ്പെടരുതെന്ന് വിദ്യാഭ്യാസ മന്ത്രിയുടെ നിര്‍ദ്ദേശം. സ്‌കൂള്‍ പഠനയാത്രകള്‍ക്ക് വന്‍തോതിലുള്ള തുകയാണ് ചില സ്‌കൂളുകളില്‍ നിശ്ചയിക്കുന്നത്. പിന്നാക്കം നില്‍ക്കുന്ന വിദ്യാര്‍ഥികള്‍ക്ക് നല്‍കാന്‍ കഴിയാതെ അവരില്‍ മാനസിക പ്രയാസം ഉണ്ടാക്കുന്നു. പഠനയാത്രകള്‍ എല്ലാ കുട്ടികള്‍ക്കും പ്രാപ്യമായ രീതിയില്‍ ക്രമീകരിക്കണമെന്നും മന്ത്രി നിര്‍ദ്ദേശം നല്‍കി

പഠനയാത്രകള്‍, സ്‌കൂളുകളിലെ ആഘോഷങ്ങള്‍ എന്നിവയ്ക്ക് പൊതു രീതി നടപ്പാക്കും. ഒരാഴ്ചക്കുള്ളില്‍ റിപ്പോര്‍ട്ട് നല്‍കാന്‍ പൊതു വിദ്യാഭ്യാസ വകുപ്പ് ഡയരക്ടറെ ചുമതലപ്പെടുത്തി.