പാലക്കാട്: പാലക്കാട് വാളയാറിൽ പൊലിസ് കസ്റ്റഡിയിലെടുത്ത രണ്ട് വാഹനങ്ങൾക്ക് തീവെച്ചു. വാളയാർ പൊലിസ് സ്റ്റേഷന് സമീപം ദേശീയ പാതയിൽ നിർത്തിയിട്ടിരുന്ന വാഹനങ്ങൾക്കാണ് തീവെച്ചത്. സംഭവത്തിൽ ഒരാൾ പൊലിസിൻ്റെ പിടിയിലായി. വാഹനം കത്തിച്ചതായി സംശയക്കുന്ന ചുള്ളിമട സ്വദേശി പോളിനെയാണ് പൊലിസ്  പിടികൂടിയിരിക്കുന്നത്.

മദ്യലഹരിയിലാണ് വാഹനം കത്തിച്ചതെന്നാണ് സൂചന. പോൾ മദ്യപിച്ച് ബഹളം വെച്ചതിനെ തുടർന്ന് പൊലിസ് കസ്റ്റഡിയിലെടുത്തിരുന്നു. ഇതിന്റെ പ്രതിക്കാരമായാണ് ഇയാൾ വാഹനങ്ങൾക്ക് തീയിട്ടത്.  താനാണ് വാഹനങ്ങൾക്ക് തീയിട്ടതെന്ന് പോൾ സമ്മതിച്ചതായി പൊലിസ് പറഞ്ഞു. പോളിനൊപ്പം ജാമ്യമെടുക്കാനെത്തിയ രണ്ടു പേരെയും പൊലിസ് കസ്റ്റഡിയിലെടുത്തിട്ടുണ്ട്.