ലണ്ടന്‍: 9000 കോടി രൂപയുടെ വായ്പാ തട്ടിപ്പിനെ തുടര്‍ന്ന് രാജ്യം വിട്ട മദ്യരാജാവ് വിജയ് മല്യ വീണ്ടും വിവാഹിതനാകാന്‍ ഒരുങ്ങുന്നതായി റിപ്പോര്‍ട്ട്. കിങ് ഫിഷര്‍ എയര്‍ലൈന്‍സിലെ എയര്‍ഹോസ്റ്റസായിരുന്ന പിങ്കി ലാല്‍വാനിയെയാണ് 62 കാരനായ മല്യ  വിവാഹം കഴിക്കുന്നത്. വിവാഹ തിയതി വെളിപ്പെടുത്തിയിട്ടില്ല.

2011ല്‍ കിങ്ഫിഷര്‍ എയര്‍ലൈന്‍സില്‍ എയര്‍ ഹോസ്റ്റസായി എത്തിയ പിങ്കിയുമായി മല്യ പ്രണയത്തിലാകുകയായിരുന്നു. അദ്ദേഹത്തിന്റെ മൂന്നാം വിവാഹമാണിത്. മൂന്നു വര്‍ഷമായി ഇരുവരും ഒരുമിച്ചാണ് താമസമെന്നാണ് റിപ്പോര്‍ട്ട്.

അതേസമയം വിജയ് മല്യയുടെ വിവാഹം ഏറ്റെടുത്തിരിക്കുകയാണ് സോഷ്ല്‍ മീഡിയ. മൂന്നാം വിവാഹത്തില്‍ മല്യയെ പരിഹസിച്ച് ട്വിറ്ററില്‍ മറ്റും നിരവധി സന്ദേശങ്ങളാണ് പ്രചരിക്കുന്നത്.