കാഞ്ഞങ്ങാട്;  യുവാവിനെ കാണാതായതായി പരാതി. പടന്നക്കാട് കരുവളത്തെ മുഹമ്മദിന്റെ മകന്‍  പി കെ യാസറിനെ(26)യാണ് കാണാതായത് .ഇയാളുടെ ഭാര്യ ഹൊസ്ദുര്‍ഗ് പൊലിസില്‍ പരാതി നല്‍കി.
   കൂലിത്തൊഴിലാളിയായ ഇയാള്‍ നാല് ദിവസം മുന്‍പ്  സുഹൃത്തിനോടൊപ്പം വീട്ടില്‍ നിന്നും പോയതായി പറയുന്നു. ഇയാള്‍ തിരിച്ചു വരാതിരുന്നതിനെ തുടര്‍ന്ന് വീട്ടുകാര്‍ ബന്ധുക്കളുടെയും,സുഹൃത്തുക്കളുടെയും വീടുകളിലൊക്കെ അന്വേഷണം നടത്തിയെങ്കിലും യാതൊരു വിവരവും ഇയാളെ പറ്റി ലഭിക്കാത്തതിനെ തുടര്‍ന്ന് ഭാര്യ  പൊലിസില്‍ പരാതി നല്‍കുകയായിരുന്നു. പരാതിയില്‍ കേസെടുത്ത പൊലിസ് അന്വേഷണം നടത്തി വരുന്നു.