ഗൂഡല്ലൂര്‍: നീലഗിരി ജില്ലയില്‍ മെയ് നാലിന് നടക്കുന്ന സമസ്ത ജില്ലാ ആദര്‍ശ സമ്മേളനത്തിന്റെ പ്രചാരണത്തിനും സമ്മേളനം വിജയിപ്പിക്കാനും കര്‍മ പദ്ധതി ആവിഷ്‌കരിച്ചു.
ഇതു സംബന്ധിച്ച് നടന്ന എസ്.കെ.എസ്.എസ്.എഫ് നീലഗിരി ജില്ലാ സെക്രട്ടേറിയറ്റ് യോഗത്തില്‍ ജില്ലാ പ്രസിഡന്റ് ഫള്‌ലു റഹ്മാന്‍ ദാരിമി അധ്യക്ഷനായി.പ്രചാരണത്തിന്റെ ഭാഗമായി എസ്.കെ.എസ്.എസ്.എഫ് അഞ്ച് ക്ലസ്റ്ററുകളില്‍ ആദര്‍ശ സംഗമങ്ങള്‍ നടത്തും. കൂടാതെ വിഖായ വളണ്ടിയര്‍മാരുടെ വിളംബര ബൈക്ക് റാലിയും സംഘടിപ്പിക്കും.
വിവിധ ക്ലസ്റ്ററുകളിലെ ആദര്‍ശ സംഗമങ്ങളുടെ കോര്‍ഡിനേറ്റര്‍മാരായി മുഷ്താഖ് മാസ്റ്റര്‍ (ഗൂഡല്ലൂര്‍), സലീം ഫൈസി (നെല്ലാക്കോട്ട), മുജീബ് റഹ്മാന്‍ (ദേവാല), സാദിഖ് മാസ്റ്റര്‍ ബിദര്‍കാട് (ദേവര്‍ഷോല), അഷ്‌റഫ് പന്തല്ലൂര്‍(ഓവാലി) എന്നിവരെ തിരഞ്ഞെടുത്തു. മെയ് ആറിന് ലീഡേഴ്‌സ് വണ്‍ഡേ വര്‍ക് ഷോപ് ക്യാംപ് ഒറ്റുവയലില്‍ നടത്താനും യോഗം തീരുമാനിച്ചു.
ജനറല്‍ സെക്രട്ടറി ജുദീര്‍ഷാന്‍, സലീം ഫൈസി, സുലൈമാന്‍, മുഷ്താഖ് മാസ്റ്റര്‍, മുജീബ് റഹ്മാന്‍, സാദിഖ് മാസ്റ്റര്‍, അഷ്‌റഫ് പന്തല്ലൂര്‍, ഷൗക്കത്ത് പാടന്തറ, നൗഫല്‍ ദാരിമി, മുര്‍ഷിദ് ഓവാലി, സാദിഖ് ഫസ്റ്റ് മൈല്‍ പങ്കെടുത്തു.