നിലമ്പൂര്‍: കരുളായി യതീംഖാനയുടെ 22ാം വാര്‍ഷിക സമ്മേളനം നാളെ ആരംഭിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. മൂന്ന് ദിവസങ്ങളിലായി പിലാക്കോട്ടുപാടം യതീംഖാന കാംപസില്‍ നടക്കുന്ന സമ്മേളനത്തില്‍ സ്വലാത്ത് വാര്‍ഷികം, ദുആ സമ്മേളനം, പുതിയ കെട്ടിടത്തിന്റെ ഉദ്ഘാടനം എന്നിവ നടക്കും. നാളെ വൈകിട്ട് ആറിന് പതാക ഉയര്‍ത്തും. കരുളായി വലിയ ജുമാസ്ജിദില്‍ സിയാറത്തിന് ശേഷം ഏഴിന് യതീംഖാനയുടെ പുതിയ കെട്ടിടത്തിന്റെ ഉദ്ഘാടനം പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വഹിക്കും. തുടര്‍ന്ന് നടക്കുന്ന ഉദ്ഘാടന സമ്മേളനം സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. അഡ്വ. എം. ഉമ്മര്‍ എം.എല്‍.എ, എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ എന്നിവര്‍ സംബന്ധിക്കും.
ശനിയാഴ്ച രാവിലെ പത്തിന് പൂര്‍വവിദ്യാര്‍ഥി സംഗമം നടക്കും. വൈകിട്ട് ഏഴിന് നടക്കുന്ന പ്രാസ്ഥാനിക സമ്മേളനം പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. പി.വി അന്‍വര്‍ എം.എല്‍.എ, എസ്.വൈ.എസ് സംസ്ഥാന സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ്, മുനീര്‍ ഹുദവി എന്നിവര്‍ സംബന്ധിക്കും. ഞായാറാഴ്ച വൈകിട്ട് ഏഴിന് നടക്കുന്ന സമാപന സമ്മേളനം അബ്ദുല്‍ അസീസ് മുസ്‌ലിയാര്‍ മൂത്തേടം ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി, ഖാലിദ് ബാഖവി ഏമങ്ങാട് എന്നിവര്‍ സംബന്ധിക്കും. ഏലംകുളം ബാപ്പു മുസ്‌ലിയാര്‍ ദുആ സമ്മേളനത്തിന് നേതൃത്വം നല്‍കും. വാര്‍ത്താ സമ്മേളനത്തില്‍ യതിംഖാനാ കമ്മിറ്റി ജനറല്‍ സെക്രട്ടറി ചെമ്മല നാണിഹാജി, വൈസ് പ്രസിഡന്റുമാരായ പയ്യുണ്ണി ചെറിയാപ്പു, കണ്ണന്‍കുളവന്‍ ബാപ്പുട്ടി, സെക്രട്ടറി കക്കോടന്‍ അബ്ദുല്‍ നാസര്‍, ടി. മുഹമ്മദ് ദാരിമി എന്നിവര്‍ പങ്കെടുത്തു.