ജിദ്ദ: ജിദ്ദ ഇസ്‌ലാമിക് പോര്‍ട്ട് മുഖേന വന്‍ തോതില്‍ ലഹരി മരുന്ന് കടത്താനുള്ള ശ്രമം പരാജയപ്പെടുത്തി നാര്‍ക്കോട്ടിക് കണ്‍ട്രോള്‍ ഡയറക്ടറേറ്റ്. സകാത്ത്, ടാക്‌സ് ആന്‍ഡ് കസ്റ്റംസ് അതോറിറ്റിയുമായി ചേര്‍ന്ന് നടത്തിയ പരിശോധനയില്‍, ജിപ്‌സം ബോര്‍ഡ് നിര്‍മാണ സാമഗ്രികളുടെ കണ്ടെയ്‌നറിനുള്ളില്‍ ഒളിപ്പിച്ച 11,934,000 ആംഫെറ്റാമൈന്‍ ഗുളികകള്‍ ഡയറക്ടറേറ്റ് ഉദ്യോഗസ്ഥര്‍ പിടിച്ചെടുത്തു. ലഹരി മരുന്ന് കടത്തുന്നവരെയും വില്‍പനക്കാരെയും നിരീക്ഷിക്കുന്നതിനുള്ള സുരക്ഷാ ശ്രമങ്ങളുടെ ഭാഗമായുള്ള പരിശോധനയിലാണ് ഇവര്‍ സുരക്ഷാ സേനയുടെ പിടിയിലായത്.

മക്ക, റിയാദ്, കിഴക്കന്‍ പ്രവിശ്യ എന്നിവിടങ്ങളില്‍ നിന്ന് 911 എന്ന നമ്പരിലും മറ്റ് പ്രദേശങ്ങളില്‍ നിന്ന് 999 എന്ന നമ്പരിലും വിളിച്ച് ലഹരി മരുന്ന് കടത്തലോ വില്‍പനയോ സംബന്ധിച്ച വിവരങ്ങള്‍ അറിയിക്കണമെന്ന്  പൗരന്മാരോടും പ്രവാസികളോടും സുരക്ഷാ അധികൃതര്‍ അഭ്യര്‍ഥിച്ചു.

Drug smuggling attempt foiled in Jeddah