കണ്ണൂര്‍: പ്രതിപക്ഷനേതാവ് രമേശ് ചെന്നിത്തല നാളെ ജില്ലയിലെത്തും. രാവിലെ 7.50ന് തിരുവനന്തപുരം മംഗളൂരു എക്‌സ്പ്രസില്‍ കണ്ണൂരിലെത്തുന്ന ചെന്നിത്തലയ്ക്ക് ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ റെയില്‍വേ സ്റ്റേഷനില്‍ സ്വീകരണം നല്‍കും. പെട്രോള്‍, ഡീസല്‍ വിലവര്‍ധനയ്‌ക്കെതിരേ ഐ.എന്‍.ടി.യു.സി ജില്ലാകമ്മിറ്റിയുടെ ആഭിമുഖ്യത്തില്‍ ഹെഡ്‌പോസ്റ്റോഫിസിനു മുന്നില്‍ രാവിലെ 11ന് നടക്കുന്ന ധര്‍ണയും അദ്ദേഹം ഉദ്ഘാടനം ചെയ്യും. അന്തരിച്ച കോണ്‍ഗ്രസ് നേതാവും മുന്‍മന്ത്രിയുമായ കെ.പി നൂറുദ്ദീന്റെ വീടും പയ്യാവൂരില്‍ പുഴയില്‍ മുങ്ങിമരിച്ച അഞ്ചു കുട്ടികളുടെ വീടുകളും പ്രതിപക്ഷനേതാവ് സന്ദര്‍ശിക്കും.