കല്‍പ്പറ്റ: പൈതൃകത്തിലേക്ക് വിജയത്തിലേക്ക് എന്ന പ്രമേയത്തില്‍ ഈമാസം 20ന് പനമരത്ത് നടക്കുന്ന സമസ്ത ആദര്‍ശ സമ്മേളനത്തിന്റെ പ്രചരണാര്‍ഥം എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിച്ച ഹൈവേ മാര്‍ച്ച് പനമരത്ത് സമാപിച്ചു.
ജില്ലാ പ്രസിഡന്റ് മുഹിയുദ്ധീന്‍ കുട്ടി യമാനിയുടെ നേതൃത്വത്തില്‍ തരുവണയില്‍ നിന്ന് ജില്ലാ സെക്രട്ടറി അയ്യൂബ് മാസ്റ്ററുടെ നേതൃത്വത്തില്‍ പഴയ വൈത്തിരിയില്‍ നിന്ന് ആരംഭിച്ച മാര്‍ച്ചുകളാണ് വിവിധ കേന്ദ്രങ്ങളിലൂടെ സഞ്ചരിച്ച് പനമരത്ത് സമാപിച്ചത്. വിഖായയുടെയും, മേഖലാ, ക്ലസ്റ്റര്‍, ശാഖാ തലങ്ങളില്‍ നിന്നുമുള്ള പ്രവര്‍ത്തകര്‍ അണിനിരന്ന മാര്‍ച്ച് പഴയ വൈത്തിരിയില്‍ സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാരും, തരുവണയില്‍ സമസ്ത ജില്ലാ സെക്രട്ടറി എസ്. മുഹമ്മദ് ദാരിമിയും ഫ്‌ളാഗ്ഓഫ് ചെയ്തു. വിവിധ കേന്ദ്രങ്ങളിലായി നടന്ന സ്വീകരണത്തില്‍ മഹല്ല്, എസ്.വൈ.എസ്, എസ്.കെ.എസ്.എസ്.എഫ് കമ്മിറ്റികള്‍ ജാഥാ ക്യാപ്റ്റന്‍മാര്‍ക്ക് ഹാരാര്‍പ്പണം നടത്തി സ്വീകരിച്ചു. പനമരത്ത് നടന്ന സമാപന സമ്മേളനം സമസ്ത കേന്ദ്ര മുശാവറാംഗം വി. മൂസക്കോയ മുസ്‌ലിയാര്‍ ഉദ്ഘാടനം ചെയ്തു. എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ശൗഖത്തലി വെള്ളമുണ്ട മുഖ്യപ്രഭാഷണം നടത്തി. ഇരു മേഖലകളിലായി നടന്ന യാത്രക്ക് അബ്ദുല്‍ ലത്തീഫ് വാഫി, മുഹിയുദ്ധീന്‍കുട്ടി ദാരിമി, ശാഹിദ് ഫൈസി, ശറഫുദ്ധീന്‍ നിസാമി, അബ്ബാസ് വാഫി, നൗഷീര്‍ വാഫി, ലത്വീഫ് അഞ്ചുകുന്ന്, മുത്തലിബ് അമ്പലവയല്‍, ശിഹാബ് റിപ്പണ്‍, ജാഫര്‍ വെള്ളിലാടി, കാസിം ദാരിമി, സാജിദ് മൗലവി, അബൂബക്കര്‍ റഹ്മാനി, നവാസ് ദാരിമി, മുഹമ്മദ് റഹ്മാനി, ശിഹാബ് വാഫി, റഷീദ് വെങ്ങപ്പള്ളി, ജാഫര്‍ മാസ്റ്റര്‍, നദീര്‍ മൗലവി, അലിയമാനി നേതൃത്വം നല്‍കി.