ബംഗളൂരു: കര്‍ണാടകയില്‍ നിയമസഭാ തെരഞ്ഞെടുപ്പ് നടക്കാനിരിക്കെ വര്‍ഗീയ പരാമര്‍ശവുമായി ബി.ജെ.പി എം.എല്‍.എ. തെരഞ്ഞെടുപ്പ് നടക്കുന്നത് വികസനത്തിനല്ലെന്നും ഹിന്ദുവും മുസ്‌ലിമും തമ്മിലാണെന്നുമാണ് ബല്‍ഗാവിയില്‍ നിന്നുള്ള ബി.ജെ.പി എം.എല്‍.എയായ സഞ്ജയ് പാട്ടീലിന്റെ പരാമര്‍ശം.
ബല്‍ഗാവിയില്‍ നടന്ന തെരഞ്ഞെടുപ്പ് റാലിക്കിടെയാണ് അദ്ദേഹത്തിന്റെ പ്രസംഗം. 'റോഡുകള്‍ക്കോ ജലത്തിനോ വേണ്ടിയുള്ള തെരഞ്ഞെടുപ്പല്ല ഇത്. ഹിന്ദുവും മുസ്‌ലിമും ബാബരി മസ്ജിദും രാമക്ഷേത്രവും തമ്മിലുള്ളതാണ്. ഞാന്‍ സഞ്ജയ് പാട്ടീല്‍, ഞാന്‍ ഹിന്ദുവാണ്. ഇവിടെ ഒരു ഹിന്ദുരാജ്യം വേണം. നമുക്ക് രാമക്ഷേത്രം നിര്‍മിക്കണം. ബാബരി മസ്ജിദും ടിപ്പു ജയന്തിയും വേണ്ടവര്‍ കോണ്‍ഗ്രസിന് വോട്ട് ചെയ്യുക. ശിവജിയും രാമക്ഷേത്രവും വേണ്ടവര്‍ ബി.ജെ.പിക്ക് വോട്ട് ചെയ്യുക എന്നീ പരാമര്‍ശങ്ങളാണ് എം.എല്‍.എ നടത്തിയത്.