ഫറോക്ക്: പരിസ്ഥിതി ദിനാചരണത്തോടനുബന്ധിച്ചു പെരുമുഖം നല്ലൂര്‍ ഈസ്റ്റ് എ.യു.പി സ്‌കൂളില്‍ നടപ്പിലാക്കുന്ന 'നട്ടുവളര്‍ത്താം നമുക്കൊരു നാട്ടുമാവിന്‍ തൈ' പദ്ധതി പ്രമുഖ പരിസ്ഥിതി പ്രവര്‍ത്തകന്‍ പ്രൊഫ. ശോഭീന്ദ്രന്‍ ഉദ്ഘാടനം ചെയ്തു.
ഫറോക്ക് നഗരസഭ 17-ാം ഡിവിഷന്‍ കൗണ്‍സിലര്‍ കെ.സി അനില അധ്യക്ഷയായി. സ്‌കൂള്‍ മാനേജര്‍ അജിന്‍.എം. ശശി അധ്യാപകരായ കെ. മീര, പി.സി അജിതകുമാരി സംസാരിച്ചു. അന്യംനിന്നുപോവുന്ന നാട്ടുമാവിന്‍ തൈകള്‍ നട്ടുവളര്‍ത്തി വരും തലമുറക്ക് കൈമാറുകയെന്ന ലക്ഷ്യത്തോടെയാണ് പദ്ധതി സ്‌കൂളില്‍ നടപ്പിലാക്കുന്നത്. പദ്ധതിയുടെ ഭാഗമായി സ്‌കൂള്‍ വളപ്പിലും പൊതുസ്ഥലത്തും വീടുകളിലും കുട്ടികളും അധ്യപകരും മാവിന്‍ തൈകള്‍ നട്ടുപിടിപ്പിച്ചു.