ആലപ്പുഴ: വണ്ടാനം മെഡിക്കല്‍ കോളജ് ആശുപത്രിയില്‍ വനിത ഡോക്ടര്‍ക്ക് നേരെ രോഗിയുടെ കയ്യേറ്റം. ആശുപത്രിയില്‍ ചികിത്സക്കെത്തിയ തകഴി സ്വദേശി ഷൈജു എന്ന യുവാവാണ് ഡോക്ടറെ മര്‍ദ്ദിച്ചത്. നെറ്റിയില്‍ തുന്നല്‍ ഇടാന്‍ ശ്രമിക്കുന്നതിനിടെ ഡോക്ടറുടെ കൈപിടിച്ച് തിരിക്കുകയായിരുന്നു. ശാസ്ത്രക്രിയ അത്യാഹിത വിഭാഗം ഹൗസ് സര്‍ജന്‍ ഡോ. അഞ്ജലിക്കാണ് പരിക്കേറ്റത്. 

ഷൈജു മദ്യലഹരിയിലായിരുന്നുവെന്ന് ഡാക്ടര്‍ വ്യക്തമാക്കി. നെറ്റിയില്‍ മുറിവുമായാണ് ഷൈജു ആശുപത്രിയില്‍ എത്തിയത്. സംഭവത്തെ തുടര്‍ന്ന് ആശുപത്രിയില്‍ പരിഭ്രാന്തി സൃഷ്ടിച്ച ഷൈജുവിനെ ആശുപത്രി ജീവനക്കാര്‍ ചേര്‍ന്നാണ് പിടിച്ചു മാറ്റിയത്. ഇതിനിടെ ഇയാള്‍ കടന്നുകളയുകയും ചെയ്തു. അമ്പലപ്പുഴ പോലീസില്‍ പരാതി നല്‍കിട്ടുണ്ടെന്ന് ഡോക്ടര്‍ പറഞ്ഞു. 

A woman doctor was beaten up by a patient at Vandanam Medical College