കല്‍പ്പറ്റ: കണ്ണൂര്‍ യൂനിവേഴ്‌സിറ്റിയുടെ കീഴില്‍ വയനാട് ജില്ലയില്‍ പ്രവര്‍ത്തിക്കുന്ന ഗവ. കോളജുകളില്‍ ഒന്നാം വര്‍ഷ ഡിഗ്രി കോഴ്‌സിനും കല്‍പ്പറ്റ കെ.എം.എം ഗവ. ഐ.ടി.ഐയിലും നെന്മേനി വനിത ഐ.ടി.ഐയിലും കായികതാരങ്ങള്‍ക്കായി സംവരണം ചെയ്തിട്ടുള്ള സ്‌പോര്‍ട്‌സ് ക്വാട്ടാ സീറ്റുകളിലേക്കും പ്രവശനം ലഭിക്കുന്നതിനായി കായികതാരങ്ങളില്‍ നിന്നും ജില്ലാ സ്‌പോര്‍ട്‌സ് കൗണ്‍സില്‍ അപേക്ഷ ക്ഷണിച്ചു. 2014 ഏപ്രില്‍ ഒന്നു മുതല്‍ 2016 മാര്‍ച്ച് 31 വരെയുള്ള കാലയളവില്‍ സബ്ജില്ലാതല മത്സരങ്ങളില്‍ പങ്കെടുത്ത് മൂന്നാം സ്ഥാനം കരസ്ഥമാക്കല്‍ കേരള സംസ്ഥാന സ്‌പോര്‍ട്‌സ് കൗണ്‍സില്‍ അംഗീകരിച്ച ജില്ലാ സ്‌പോര്‍ട്‌സ് അസോസിയേഷനുകള്‍ സംഘടിപ്പിക്കുന്ന ജില്ലാതല മത്സരങ്ങളില്‍ പങ്കെടുത്ത് മൂന്നാം സ്ഥാനം കരസ്ഥമാക്കല്‍, ആര്‍.ജി.കെ.എ. ബ്ലോക്കുതല മത്സരങ്ങളില്‍ പങ്കെടുത്ത് മൂന്നാം സ്ഥാനം കരസ്ഥമാക്കല്‍ എന്നിവയാണ് കുറഞ്ഞ കായിക നേട്ടം. അപേക്ഷകര്‍ ബന്ധപ്പെട്ട കോഴ്‌സിന് കോളജില്‍ഐ.ടി.ഐയില്‍ സമര്‍പ്പിക്കുന്ന അപേക്ഷ ഫോറത്തിന്റെയും കായികരംഗത്തെ നേട്ടം തെളിയിക്കുന്ന സര്‍ട്ടിഫിക്കറ്റുകളുടേയും യോഗ്യതാ പരീക്ഷയുടെ മാര്‍ക്ക് ലിസ്റ്റിന്റെയും ഫോട്ടോ കോപ്പി, അഞ്ച് രൂപ തപാല്‍ സ്റ്റാമ്പ് ഒട്ടിച്ച് സ്വന്തം മേല്‍വിലാസം എഴുതിയ കവര്‍ എന്നിവ സഹിതം സെക്രട്ടറി, ജില്ലാ സ്‌പോര്‍ട്‌സ് കൗണ്‍സില്‍, സിവില്‍ സ്‌റ്റേഷന്‍, കല്‍പ്പറ്റ നോര്‍ത്ത് വിലാസത്തില്‍ അപേക്ഷ സമര്‍പ്പിക്കേണ്ടതാണ്.