കൊച്ചി: നടിയെ തട്ടിക്കൊണ്ടുപോയി ആക്രമിച്ചതുമായി ബന്ധപ്പെട്ട് പൊലിസ് ചോദ്യം ചെയ്ത നടന്‍ താനല്ലെന്ന്  ദിലീപ്. വീട്ടിലേക്ക് പൊലിസ് മഫ്തിയിലോ യൂണിഫോമിലോ വന്നിട്ടില്ല,ചോദ്യം ചെയ്തിട്ടുമില്ല. എവിടെ നിന്നാണ് ഇത്തരം വാര്‍ത്തകള്‍ പ്രചരിക്കുന്നതെന്ന് അറിയില്ല, ആരാണ് നടനെന്ന് വാര്‍ത്ത നല്‍കിയവര്‍ വെളിപ്പെടുത്തണമെന്നും അല്ലെങ്കില്‍ പൊലിസ് ഇക്കാര്യം സ്ഥിരീകരിക്കട്ടെയെന്നും അദ്ദേഹം മാധ്യമങ്ങളോട് പറഞ്ഞു. .
നടിയെ തട്ടിക്കൊണ്ടുപോയ സംഭവത്തില്‍ തന്റെ പേര് വലിച്ചിഴക്കുന്നതിന് പിന്നില്‍ ഗൂഢാലോചനയുണ്ട്. തേജോവധം ചെയ്യാന്‍ കരുതിക്കൂട്ടി വാര്‍ത്തകള്‍ സൃഷ്ടിക്കുകയാണ് .മനസാ വാചാ അറിയാത്ത കാര്യങ്ങളാണ് തനിക്കെതിരെ പലരും ആരോപിക്കുന്നതെന്നും അദ്ദേഹം പറഞ്ഞു.