മണ്ണാര്‍ക്കാട്: നെല്ലിപ്പുഴയില്‍ വിഷം കലര്‍ത്തി മീന്‍ പിടിത്തം. മത്സ്യങ്ങള്‍ ചത്തുപൊങ്ങി. ചങ്ങലീരി മോതിക്കല്‍ നെടുമ്പന്‍കുണ്ട് കടവിലാണ് മത്സ്യങ്ങള്‍ കൂട്ടത്തോടെ ചത്തുപൊങ്ങിയത്. വ്യാഴാഴ്ച രാവിലെ കുളിക്കാന്‍ പുഴയിലെത്തിയവരാണ് മത്സ്യങ്ങള്‍ ചത്തുപൊങ്ങിയത് കാണ്ടത്. ബുധനാഴ്ച രാത്രിയില്‍ സാമൂഹ്യ വിരുദ്ധര്‍ വിഷം കലര്‍ത്തി മീന്‍ പിടിച്ചതാണ് മത്സ്യങ്ങള്‍ ചത്തുപൊങ്ങാന്‍ കാരണമെന്ന് പ്രദേശവാസികള്‍ ആരോപിച്ചു.
പ്രദേശത്തെ നിരവധി പേര്‍ കുളിക്കുന്നതിനും കുടിവെള്ളത്തിനും ആശ്രയിക്കുന്ന വെളളത്തിലാണ് സാമൂഹ്യ വിരുദ്ധര്‍ വിഷം കലര്‍ത്തിയത്.
പ്രതിഷേധവുമായി നാട്ടുകാര്‍ രംഗത്ത് എത്തി അധികൃതര്‍ക്ക് പരാതി നല്‍കി. കഴിഞ്ഞ ആഴ്ചയില്‍ അലനല്ലൂര്‍ വെള്ളിയാര്‍പ്പുഴയിലും വിഷം കലര്‍ത്തി മീന്‍ പിടിത്തം നടത്തിയിരുന്നു.