തിരുവനന്തപുരം: മതേതരത്വത്തെ ദുര്‍ബലപ്പെടുത്താനാണ് സംസ്ഥാന സര്‍ക്കാര്‍ ശ്രമിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. കേരളാ കോണ്‍ഗ്രസ് (ജേക്കബ്) സെക്രട്ടേറിയറ്റിന് മുന്നില്‍ സംഘടിപ്പിച്ച ഉപവാസസമരം ഉദ്ഘാടനം ചെയ്യുകയായിരുന്നു അദ്ദേഹം.

വിശ്വാസം സംരക്ഷിക്കേണ്ടത് ഭരണഘടനാപരമായ ഉത്തരവാദിത്തമാണ്. മുഖ്യമന്ത്രി പിണറായി വിജയന്‍ കേരളത്തെ വര്‍ഗീയ ധ്രുവീകരണത്തിലേക്കാണ് നയിക്കുന്നത്. വിശ്വാസത്തിന്റെപേരില്‍ ജനങ്ങളെ ഭിന്നിപ്പിക്കുന്നു. ബി.ജെ.പി, ആര്‍.എസ്.എസ് അജന്‍ഡയെ പിന്തുണയ്ക്കുന്ന നിലപാടാണ് സര്‍ക്കാരിന്റേത്. സര്‍ക്കാര്‍ ചെയ്യേണ്ട വികസനപ്രവര്‍ത്തനങ്ങള്‍ ഒന്നും നടക്കുന്നില്ല. പ്രളയാനന്തര ദുരിതാശ്വാസ പ്രവര്‍ത്തനങ്ങളൊക്കെ അവതാളത്തിലായി.
ജനങ്ങളെ തമ്മിലടിപ്പിക്കുകയാണ് പിണറായി സര്‍ക്കാരിന്റെ പ്രധാന പണിയെന്നും അദ്ദേഹം പറഞ്ഞു.