കണ്ണൂര്‍: അഴീക്കല്‍ ലൈറ്റ്ഹൗസിനു സമീപം മൂന്നു ദിവസം പ്രായമായ പെണ്‍ കുഞ്ഞിനെ ഉപേക്ഷിച്ച നിലയില്‍ കണ്ടെത്തി. ഇന്നലെ 7.30ഓടെയാണ് കുഞ്ഞിനെ കണ്ടതായി അറിയിച്ച് വളപട്ടണം പൊലിസിനു വിവരം ലഭിച്ചത്. എസ്.ഐ ശ്രീജിത്ത് കൊടേരിയുടെ നേതൃത്വത്തില്‍ സ്ഥലത്തെത്തി കുഞ്ഞിനെ ജില്ലാ ആശുപത്രിയിലേക്കു മാറ്റുകയായിരുന്നു. കുഞ്ഞിനെ ഉപേക്ഷിച്ചത് ആരെന്ന വിവരം ഇതുവരെ ലഭിച്ചിട്ടില്ല. പൊലിസ് അന്വേഷണം ആരംഭിച്ചു.