കോഴിക്കോട്: എസ്. കെ. എസ്. എസ്. എഫ് വിദ്യാഭ്യാസ വിഭാഗമായ ട്രെന്‍ഡ് സംസ്ഥാന സമിതിക്കു കീഴില്‍ നടത്തിയ സ്‌നാപ്പി കിഡ്‌സ് സ്‌കോളര്‍ഷിപ്പ് പരീക്ഷയില്‍ സംസ്ഥാനത്ത് ഒന്നുമുതല്‍ അഞ്ചുവരെ റാങ്കുകള്‍ കരസ്ഥമാക്കിയ പ്രതിഭകള്‍ക്ക് അവാര്‍ഡുകള്‍ സമ്മാനിച്ചു. കാലിക്കറ്റ് യൂനിവേഴ്‌സിറ്റി വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ സ്വര്‍ണപ്പതക്കവും വിവിധ സ്‌കോളര്‍ഷിപ്പ് അവാര്‍ഡുകളും സമ്മാനിച്ചു.
മുസ്തഫ മുണ്ടുപാറ അധ്യക്ഷനായി. കെ. മോയിന്‍ കുട്ടി മാസ്റ്റര്‍, ഹാജി പി.കെ മുഹമ്മദ്,സുബൈര്‍ നെല്ലിക്കാപറമ്പ്, റഹീം ചുഴലി, റിയാസ് നരിക്കുനി, നവാസ് ഓമശ്ശേരി, ഷാഫി മാസ്റ്റര്‍ ആര്‍ക്കേട്ടിരി, അനീസ് ജിഫ്‌രി സംബന്ധിച്ചു. ഷാഹുല്‍ ഹമീദ് മേല്‍മുറി സ്വാഗതവും റഷീദ് കമ്പളക്കാട് നന്ദിയും പറഞ്ഞു.