ചെന്നൈ: തമിഴ്‌നാട്ടിലെ കടകളില്‍ ഇന്ന് മുതല്‍ പെപ്‌സി കൊക്കോകോള ഉല്‍പന്നങ്ങള്‍ വില്‍ക്കില്ല. വ്യാപാരി വ്യവസായി സംഘടനയുടെ നിര്‍ദ്ദേശത്തെ തുടര്‍ന്നാണ് വില്‍പ്പന നിര്‍ത്തുന്നത്. തമിഴ്‌നാട് ട്രേഡേഴ്‌സ് ഫെഡറേഷന്‍, തമിഴ്‌നാട് വണികര്‍ കൂട്ടമൈപ്പ് പേരവൈ എന്നീ സംഘടനകളാണ് പെപ്‌സി, കോള ഉല്‍പ്പന്നങ്ങള്‍ക്കെതിരെ ശക്തമായ തീരുമാനവുമായി രംഗത്തുവന്നത്.

ജെല്ലിക്കെട്ട് പ്രക്ഷോഭത്തോടൊപ്പമാണ് പെപ്‌സി, കോള ഉല്‍പ്പന്നങ്ങള്‍ ബഹിഷ്‌കരിക്കാനും തമിഴ്‌നാട്ടില്‍ ആഹ്വാനമുയര്‍ന്നത്. വ്യാപാരികളോട് ഈ ഉല്‍പ്പന്നങ്ങള്‍ വില്‍ക്കരുതെന്ന് നേരത്തെ ഇവര്‍ ആഹ്വാനം ചെയ്തിരുന്നു.

വരള്‍ച്ച മൂലം കര്‍ഷകര്‍ വെള്ളമില്ലാതെ പൊറുതിമുട്ടുന്ന സമയത്ത് വെള്ളം ഊറ്റിയെടുത്ത് ശീതളപാനീയങ്ങള്‍ ഉണ്ടാക്കി വില്‍ക്കുന്ന കമ്പനികളുടെ ചൂഷണം തടയുക എന്ന ലക്ഷ്യത്തോടെയാണ് ഇവര്‍ ഇത്തരമൊരു തീരുമാനമെടുത്തത്.