തൃക്കുന്നപ്പുഴ: ഗവ.എല്‍.പി സ്‌കൂള്‍ വാര്‍ഷികവും ബാലോത്സവം വര്‍ണ്ണം 2017 സമാപിച്ചു. രണ്ടു ദിനങ്ങളിലായി നടന്ന പരിപാടികളുടെ സമാപന സമ്മേളനം ബ്ലോക്ക് പഞ്ചായത്ത് മെമ്പര്‍ റീന ഉദ്ഘാടനം ചെയ്തു. എസ്.എം.സി ചെയര്‍മാന് പി.രാമചന്ദ്രന്‍ അധ്യക്ഷനായി. ഗ്രാമ പഞ്ചായത്ത് പ്രസിഡന്റ് അമ്മിണി ടീച്ചര്‍  സഹജീവി സ്‌നേഹത്തിനു  ഉത്തമ മാതൃകയായ പൂര്‍വ വിദ്യാര്‍ഥി ശരണിനെ ആദരിക്കുകയും സമ്മാനദാനം നടത്തുകയും ചെയ്തു. വൈസ് പ്രസിഡന്റ് ഹാരിസ് അണ്ഡോളില്‍ , വിദ്യാഭ്യാസ സ്റ്റാന്റിങ്കമ്മിറ്റി ചെയര്‍ പേഴ്‌സണ്‍ മൈമൂനത്ത്, വാര്‍ഡ് മെമ്പര്‍ സുധീഷ്, നസീമ ടീച്ചര്‍ ആശംസകള്‍ അര്‍പ്പിച്ചു. എച്.എം.ശ്രീദേവി സ്വാഗതവും എസ്.ആര്‍.ജി.കണ്‍വീനര്‍ ശ്രീ രഞ്ജിനി നന്ദിയും പറഞ്ഞു.