റിയാദ്: മദീനയില്‍ സ്മാര്‍ട്ട് പാര്‍ക്കിംഗ് സംവിധാനം ആരംഭിക്കാന്‍ സഊദി അറേബ്യ. സ്മാര്‍ട്ട് ഓട്ടോമാറ്റിക് സംവിധാനത്തിലൂടെ 400 വാഹനങ്ങള്‍ പാര്‍ക്ക് ചെയ്യാന്‍ കഴിയും വിധത്തിലുള്ള പദ്ധതി, 12 നില കെട്ടിടത്തിലാണ് ഒരുക്കുന്നത്.

മദീനയിലെ മസ്ജിദുന്നബവിക്ക് സമീപമായാണ് ബഹുനില പാര്‍ക്കിംഗ് സംവിധാനത്തിന്റെ പ്രവൃത്തികള്‍ പുരോഗമിക്കുന്നത്. മദീന നഗരസഭയുടെ നേതൃത്വത്തിലുള്ള പദ്ധതി, മദീനയിലെ ആദ്യ ബഹുനില പാര്‍ക്കിംഗ് സംവിധാനം കൂടിയാണ്. സ്മാര്‍ട്ട് ഓട്ടോമാറ്റിക് സംവിധാനം ഉപയോഗിച്ചായിരിക്കും പ്രവര്‍ത്തനം. 982 ചതുരശ്ര മീറ്റര്‍ വിസ്തൃതിയിലാണ് പദ്ധതി ഒരുക്കുന്നത്.

ഒന്‍പതു കോടി റിയാലാണ് പദ്ധതിയുടെ ചെലവ്. ഇതിനായുള്ള കരാറുകള്‍ പൂര്‍ത്തിയായതായി നഗരസഭ അറിയിച്ചു. ഡ്രൈവറില്ലാതെ തന്നെ വാഹനം പാര്‍ക്ക് ചെയ്യാനും പുറത്തേക്കെത്തിക്കാനും ഈ സംവിധാനത്തിലൂടെ സാധിക്കും. സ്ഥല പരിമിതി പരിഹരിക്കുക, സന്ദര്‍ശകരുടെ സമയ നഷ്ടം ഒഴിവാക്കുക, സുരക്ഷിത പാര്‍ക്കിംഗ് ഒരുക്കുക തുടങ്ങിയവ ലക്ഷ്യമിട്ടാണ് പദ്ധതി.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Saudi Arabia has launched an advanced smart parking system in Madinah, enabling simultaneous parking of 400 vehicles. This innovative solution aims to reduce congestion, enhance driver experience, and promote sustainable urban development.