തിരുവനന്തപുരം: പത്രപ്രവര്‍ത്തകനായിരുന്ന കെ.എം ബഷീര്‍ വാഹനമിടിച്ച് മരിച്ച കേസില്‍ മുഖ്യപ്രതിയായ ഐ.എ.എസ് ഉദ്യോഗസ്ഥന്‍ ശ്രീരാംവെങ്കിട്ടരാമന്‍ കേസ് അട്ടിമറിക്കാന്‍ തുടക്കം മുതലേ ശ്രമിച്ചുവെന്നതിന് തെളിവു നിരത്തി കുറ്റപത്രം.
അന്വേഷണം അട്ടിമറിക്കാന്‍ അദ്ദേഹം നടത്തിയ ശ്രമങ്ങളെല്ലാം കുറ്റപത്രത്തില്‍ നിരത്തുന്നുണ്ട്. വാഹനം ഓടിച്ചില്ലെന്ന് വരുത്താന്‍ പൊലിസിനെ തെറ്റിദ്ധരിപ്പിച്ചു. രക്തപരിശോധന നടത്താന്‍ വിസമ്മതിച്ചു. ഡ്രൈവറുടെ സീറ്റിലിരുന്നത് ശ്രീറാം തന്നെയായിരുന്നു. വാഹനത്തിന് 100 കിലോമീറ്റര്‍ വേഗതയുണ്ടായിരുന്നു. പരുക്കുകള്‍ ഡ്രൈവര്‍ സിറ്റിലിരുന്നയാള്‍ക്കുണ്ടായതാണ്. മെഡിക്കല്‍ കോളേജ് ആശുപത്രിയിലേക്ക് പോകാന്‍ ഡോക്ടര്‍ നിര്‍ദ്ദേശിച്ചിട്ടും തിരുവനന്തപുരത്തെ സ്വകാര്യ ആശുപത്രിയിലേക്ക് പോയി തുടങ്ങിയ കാര്യങ്ങള്‍ കുറ്റപത്രത്തില്‍ ചൂണ്ടിക്കാണിക്കുന്നുണ്ട്.
ശാസ്ത്രീയ പരിശോധന ഫലങ്ങളും ശ്രീറാമിന്റെ വാദങ്ങള്‍ പൊളിക്കുകയാണ്.