ന്യൂഡല്‍ഹി: പാകിസ്താന്‍ അറസ്റ്റ് ചെയ്ത ഇന്ത്യന്‍ ചാരസംഘടന 'റോ'യുടെ അംഗം കുല്‍ഭൂഷണ്‍ യാദവിനെ ഇന്ത്യക്കു വിട്ടുനല്‍കില്ലെന്ന് പാകിസ്താന്‍. പാക് വിദേശകാര്യ ഉപദേഷ്ടാവ് സര്‍താജ് അസീസാണ് ഇക്കാര്യം അറിയിച്ചത്.
മാധ്യമപ്രവര്‍ത്തകരുടെ ചോദ്യങ്ങളോട് പ്രതികരിക്കുകയായിരുന്നു സര്‍താജ്. കുല്‍ഭൂഷണിനേതിരേ വ്യക്തമായ തെളിവുകളുണ്ടെന്നും ഭീകരവിധ്വംസക പ്രവര്‍ത്തനങ്ങളില്‍ ഏര്‍പ്പെട്ടതിന് അയാള്‍ക്കെതിരേ എഫ്.ഐ.ആര്‍ ചുമത്തിയിട്ടുണ്ടെന്നും സര്‍താജ് വ്യക്തമാക്കി. നേരത്തെ ഇറാനില്‍നിന്ന് പാകിസ്താനില്‍ കടക്കാനുള്ള ശ്രമത്തിനിടെ ബലൂചിസ്ഥാനില്‍ വച്ചാണ് കുല്‍ഭൂഷണ്‍ പാക് സൈന്യത്തിന്റെ പിടിയിലായത്.