ന്യൂയോര്‍ക്ക്: ലോക സ്‌നോഷു ചാംപ്യന്‍ഷിപ്പിനായി ന്യൂയോര്‍ക്കിലെ സര്‍നാക്ക് ലെയ്കിലെത്തിയ ഇന്ത്യന്‍ താരം 12 കാരിയെ പീഡിപ്പിച്ചതിന് അറസ്റ്റില്‍. കശ്മിര്‍ സ്വദേശിയായ തന്‍വീര്‍ ഹുസൈന്‍ (24) ആണ് അറസ്റ്റിലായത്.
പെണ്‍കുട്ടിയുടെ രക്ഷിതാക്കള്‍ നല്‍കിയ പരാതിയിലാണ് അറസ്റ്റ്. പ്രതിയെ റിമാന്‍ഡ് ചെയ്ത് സര്‍നാക്ക് ലെയ്ക് ജയിലിലടച്ചു. നേരത്തെ തന്‍വീറിന് യു.എസ് വിസ നിഷേധിച്ചിരുന്നു. സെനറ്റ് അംഗങ്ങള്‍ ഇടപെട്ടാണ് വിസ ലഭിച്ചത്. കുറ്റക്കാരനല്ലെന്ന് കാണിച്ച് പ്രതിയുടെ അഭിഭാഷകന്‍ ഹരജി നല്‍കി.
12കാരിയെ പ്രതി ചുംബിച്ചതാണ് കേസിനു കാരണമെന്ന് പൊലിസ് പറഞ്ഞു. ബലപ്രയോഗമില്ലാത്തതിനാല്‍ പ്രതിയും ഇരയും തമ്മിലുള്ള പ്രായവ്യത്യാസം മാനദണ്ഡമാക്കിയാണ് കേസെടുത്തതെന്നും സറാനാക് ലെയ്ക് പൊലിസ് പറഞ്ഞു. തിങ്കളാഴ്ച ആഡ്രിനോന്‍ടാക് പര്‍വതപ്രദേശത്തുവച്ചാണ് സംഭവം.