കോഴിക്കോട്: കേന്ദ്ര സര്‍ക്കാരിന്റെ തൊഴില്‍ നിയമ ഭേദഗതികള്‍ തൊഴിലാളിവിരുദ്ധമാണെന്ന് സുപ്രഭാതം ജേണലിസ്റ്റ് യൂനിയന്‍ (കെ.യു.ഡബ്ല്യു.ജെ) യോഗം അഭിപ്രായപ്പെട്ടു.
തൊഴിലാളികള്‍ക്കു ലഭിച്ചുകൊണ്ടിരിക്കുന്ന ആനുകൂല്യങ്ങളും സംരക്ഷണവും നഷ്ടപ്പെടുത്തുന്നതാണ് വേജ് കോഡ് നിയമത്തിലെ വ്യവസ്ഥകളെന്നും ഇതു പിന്‍വലിക്കണമെന്നും യോഗം ആവശ്യപ്പെട്ടു.
യോഗത്തില്‍ സുപ്രഭാതം ജേണലിസ്റ്റ് യൂനിയന്റെ പുതിയ ഭാരവാഹികള്‍ ചുമതലയേറ്റു. കാലിക്കറ്റ് പ്രസ്‌ക്ലബ് ഹാളില്‍ ചേര്‍ന്ന യോഗത്തില്‍ പ്രസിഡന്റ് ടി.കെ ജോഷി അധ്യക്ഷനായി. കെ.യു.ഡബ്ല്യു.ജെ സംസ്ഥാന കമ്മിറ്റി അംഗം യു.എച്ച് സിദ്ദീഖ്, കോഴിക്കോട് ജില്ലാ ട്രഷറര്‍ ഇ.പി മുഹമ്മദ്, വി. അബ്ദുല്‍ മജീദ്, അന്‍സാര്‍ മുഹമ്മദ്, പി. കൃഷ്ണപ്രസാദ്, ടി.വി ലൈല, ടി.എ സിയാദ് സംസാരിച്ചു. സെക്രട്ടറി കെ. ജംഷാദ് സ്വാഗതവും ട്രഷറര്‍ സബീല്‍ ബക്കര്‍ നന്ദിയും പറഞ്ഞു.
ഭാരവാഹികള്‍: ടി.കെ ജോഷി (പ്രസിഡന്റ്), സുനി അല്‍ഹാദി, സി. സജേഷ് (വൈസ് പ്രസിഡന്റുമാര്‍), കെ. ജംഷാദ് (ജന. സെക്രട്ടറി), പി. കൃഷ്ണപ്രസാദ്, രാജു ശ്രീധര്‍ (ജോ. സെക്രട്ടറിമാര്‍), സബീല്‍ ബക്കര്‍ (ട്രഷറര്‍), ജലീല്‍ അരൂക്കുറ്റി, ഇ.പി മുഹമ്മദ്, വി. അബ്ദുല്‍ മജീദ്, കെ. ഗിരീഷ് കുമാര്‍, ഫൈസല്‍ കോങ്ങാട്, ടി.വി ലൈല, സി.പി സുബൈര്‍ (എക്‌സിക്യുട്ടീവ് അംഗങ്ങള്‍).