ചെന്നൈ: യുനൈറ്റഡ് ഹ്യൂമണ്‍ കെയര്‍ ഇന്റര്‍നാഷനല്‍ എബ്രഹാം ലിങ്കണ്‍ പാരമൗണ്ട് ലിറ്റററി പുരസ്‌കാരം സുപ്രഭാതം മാനേജിങ് എഡിറ്റര്‍ നവാസ് പൂനൂര്‍ ഏറ്റുവാങ്ങി.
തമിഴ്‌നാട് ഇന്റര്‍നാഷനല്‍ യൂനിവേഴ്‌സിറ്റി (യു.എസ്.എ) ചാന്‍സലര്‍ ഡോ. ശെല്‍വിന്‍ കുമാര്‍ പുരസ്‌കാരം സമ്മാനിച്ചു. ചെന്നൈ വെസ്റ്റന്‍ പാര്‍ക്ക് ഹോട്ടലില്‍ നടന്ന ചടങ്ങില്‍ ഡോ. പെരുമാള്‍ ജി അധ്യക്ഷനായി.
നടന്‍ മനോജ് കെ. ജയന്‍, സാമൂഹ്യ പ്രവര്‍ത്തകയും എഴുത്തുകാരിയുമായ ഡോ കെ. എക്‌സ് ട്രീസ, ഗ്രന്ഥകാരന്‍ ബേപ്പൂര്‍ മുരളീധര പണിക്കര്‍, നോവലിസ്റ്റ് ഒ.പി ഹരീഷ്, സാമൂഹ്യ പ്രവര്‍ത്തകന്‍ സുഭാഷ് എന്നിവരും പുരസ്‌കാരം ഏറ്റുവാങ്ങി. ഡോ. കൃഷീല ജയ്‌സണ്‍, ഡോ. അമാനുല്ല വടക്കാങ്ങര സംസാരിച്ചു.