തിരുവനന്തപുരം: സര്‍വകലാശാലകളെ കാവിവല്‍ക്കരിക്കാനുള്ള ശ്രമമെന്ന് ആരോപിച്ച് എസ്എഫ്‌ഐ നടത്തിയ മാര്‍ച്ചില്‍ സംഘര്‍ഷം. ഗവര്‍ണര്‍ നിയമിച്ച വിസിമാര്‍ക്കെതിരെയാണ് എസ്എഫ്‌ഐയുടെ പ്രതിഷേധമാര്‍ച്ച്. കേരള സര്‍വകലാശാലയിലേക്ക് നടത്തിയ മാര്‍ച്ചിന് നേരെ പൊലിസ് ജലപീരങ്കി പ്രയോഗിച്ചു. പ്രവര്‍ത്തകര്‍ ബാരിക്കേഡ് മറികടന്ന് സര്‍വകലാശാലയ്ക്ക് അകത്തേക്കും പ്രവേശിച്ചു.

കാലിക്കറ്റ്, കണ്ണൂര്‍ സര്‍വകലാശാലയിലേക്ക് നടത്തിയ മാര്‍ച്ചിലും സംഘര്‍ഷമുണ്ടായി. രാവിലെ മുതല്‍ ആരംഭിച്ച പ്രതിഷേധം സംഘര്‍ഷത്തിലേക്ക് എത്തുകയായിരുന്നു. രണ്ടിടത്തും പൊലിസ് ജലപീരങ്കിയും ലാത്തിയും പ്രയോഗിച്ചു. കണ്ണൂര്‍ സര്‍വകലാശാലയില്‍ ബാരിക്കേഡുകള്‍ മറികടന്ന് പ്രവര്‍ത്തകര്‍ സര്‍വകലാശാലാ അഡ്മിനിസ്‌ട്രേറ്റീവ് ബ്ലോക്കിലേക്ക് കയറിച്ചെന്ന് കുത്തിയിരുന്ന് പ്രതിഷേധിക്കുകയാണ്. പൊലിസ് സംഘവും പ്രവര്‍ത്തകര്‍ക്ക് ഒപ്പം അഡ്മിനിസ്‌ട്രേറ്റീവ് ബ്ലോക്കിനുള്ളില്‍ നില്‍പുണ്ട്.

Heavy police presence continues at the university campuses. Tensions remain high as SFI vows to continue its agitation.