തിരുവനന്തപുരം: തിരുവനന്തപുരം വിതുരയില്‍ ആദിവാസി യുവാവായ സന്തോഷിനെ കാണാനില്ലെന്ന് പരാതി. ഞായറാഴ്ച്ച വൈകിട്ട് വീട്ടില്‍ നിന്നു പോയ സന്തോഷ് മണലി സ്വദേശിയാണ് . മെഡിക്കല്‍ കോളജ് ആശുപത്രിയില്‍ നിന്നാണ് കാണാതായത് എന്നാണ് പരാതി. ബന്ധുക്കള്‍ വിതുര പൊലിസില്‍ പരാതി നല്‍കി.

ഞായറാഴ്ച രാത്രി 11 മണിയോടെ പാലോട് തെന്നൂരില്‍ വച്ച് കാണാതായ സന്തോഷ് സഞ്ചരിച്ച ജീപ്പും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ ഒരാള്‍ മരിച്ചിരുന്നു. മറ്റൊരാള്‍ക്ക് പരിക്ക് പറ്റിയതിനെ തുടര്‍ന്ന് സന്തോഷും കൂടെയുണ്ടായിരുന്ന വ്യക്തിയും ചേര്‍ന്ന് മെഡിക്കല്‍ കോളജില്‍ കൊണ്ടുപോവുകയും ചെയ്തു. ഇവിടെ വെച്ചാണ് സന്തോഷിനെ കാണാതായതെന്നാണ് ബന്ധുക്കള്‍ ആരോപിക്കുന്നത്.