കാക്കനാട്: കാക്കനാട് ഓലിമുകള്‍ മുസ്ലീംപള്ളിക്കു സമീപം ഞായറാഴ്ച രാത്രി പൈപ്പ് പൊട്ടി കുടിവെളളം മുടങ്ങി. റോഡില്‍ ആറു മീറ്ററോളം ഉയരത്തിലാണ് അസാധാരണ ജലപ്രളയമായി വെള്ളം ഉയര്‍ന്നത്.
ഓലിമുകള്‍ ജലസംഭരണിയില്‍ നിന്നും 24 മണിക്കൂറും പമ്പിംഗ് നടന്നിരുന്ന 600 എം.എം പൈപ്പ്‌ലൈനാണ് പൊട്ടിയത്. പമ്പിംഗിന്റെ മര്‍ദ്ദം കൂടിയതാണ് പൈപ്പ് തകരാന്‍ കാരണമായതെന്ന് കരുതപ്പെടുന്നു.
പൈപ്പ് പൊട്ടിയതോടെ തെങ്ങോട്, മനയ്ക്കക്കടവ്, നവോദയ, ഇടച്ചിറ, നിലംപതിഞ്ഞിമുകള്‍, അത്താണി, കുസുമഗിരി, മാപ്രാണം, തുതിയൂര്‍, ചിറ്റേത്തുകര, തേവയ്ക്കല്‍, പുതുശ്ശേരിമല തുടങ്ങിയ പ്രദേശങ്ങളിലെ കുടിവെള്ളവിതരണം നിലച്ചു.
കുടിവെള്ള വിതരണം നേരെചൊവ്വ വരാത്ത ഈ പ്രദേങ്ങളില്‍ ആയിരക്കണക്കിനു കുടുംബങ്ങളാണു ഇതോടെ ദുരിതത്തിലായിരിക്കുകയാണ്