സിഡ്‌നി: ഡിസ്‌നിലാന്‍ഡിലേക്കുള്ള യാത്ര ഉപേക്ഷിച്ച്, അഭ്യുദയകാംക്ഷികള്‍ സമാഹരിച്ചുനല്‍കിയ 47.5 കോടി ഡോളര്‍ ജീവകാരുണ്യ പ്രവര്‍ത്തനങ്ങള്‍ക്കായി നീക്കിവച്ച് കുഞ്ഞു ക്വാഡന്‍. ഉയരക്കുറവിന്റെ പേരില്‍ സഹപാഠികള്‍ പരിഹസിച്ച ക്വാഡന്റെ കരച്ചില്‍ സാമൂഹിക മാധ്യമങ്ങളില്‍ വൈറലായിരുന്നു.

തുടര്‍ന്ന് നിരവധി പേര്‍ ക്വാഡന് പിന്തുണയുമായെത്തി. യു.എസ് കൊമേഡിയനായ ബ്രാഡ് വില്യമിന്റെ നേതൃത്വത്തില്‍ ഡിസ്‌നിലാന്‍ഡിലേക്കുള്ള ടിക്കറ്റും സമ്മാനമായി നല്‍കിയിരുന്നു. അവിടേക്കു പോകുന്നില്ലെന്നും ലഭിച്ച 47.5 കോടി ഡോളര്‍ ജീവകാരുണ്യ പ്രവര്‍ത്തനങ്ങള്‍ക്കായി ചിലവഴിക്കുമെന്നും ക്വാഡന്റെ കുടുംബാംഗങ്ങള്‍ അറിയിച്ചു.