രക്ഷപ്പെടുത്തിവെഞ്ഞാറമൂട്: കിണറ്റിലകപ്പെട്ട രണ്ടുപേരെ ഫയര്‍ഫോഴ്‌സ് രക്ഷപ്പെടുത്തു. കല്ലറ പാങ്ങന്‍കുന്നിലുള്ള ഒരു സ്വകാര്യവ്യക്തിയുടെ കിണര്‍ വൃത്തിയാക്കിയശേഷം മുകളിലേക്ക് കയറുന്നതിനിടെ കാല്‍ വഴുതി വീണ്ടും കിണറ്റില്‍ വീണ പാങ്ങോട് കൊടുങ്ങന്‍ചേരി ശരണ്യാലയത്തില്‍ ധനപാലന്‍ (45) ഇയാളെ രക്ഷിക്കാനിറങ്ങി കരയ്ക്കുകയറാനാകാതെ കുടുങ്ങിയ മോഹനന്‍ എന്നിവരെയാണ് ഫയര്‍ഫോഴ്‌സ് രക്ഷപ്പെടുത്തിയത്. ഇന്നലെ ഉച്ചയ്ക്ക് 12നായിരുന്നു സംഭവം. വിവരമറിഞ്ഞ് സ്ഥലത്തെത്തിയ വെഞ്ഞാറമൂട് ഫയര്‍ഫോഴ്‌സ് യൂനിറ്റിലെ ഫയര്‍മാന്‍ അജീഷ്‌കുമാര്‍ ഇരുവരെയും കരയ്ക്കു കയറ്റുകയായിരുന്നു.