മെല്‍ബണ്‍: വനിതാ വിഭാഗം സിംഗിള്‍സില്‍ ജാപ്പനീസ് താരം നവോമി ഒസാക്ക കിരീടം ചൂടി. ചെക്ക് റിപ്പബ്ലിക് താരം പെട്രാ ക്വിറ്റോവയെ 7-6, 5-7, 6-4 എന്ന സ്‌കോറിനാണ് ഒസാക്ക പരാജയപ്പെടുത്തിയത്. കഴിഞ്ഞവര്‍ഷം യു.എസ് ഓപ്പണ്‍ ചാംപ്യനായിരുന്ന ഒസാക്കയുടെ രണ്ടണ്ടാമത്തെ ഗ്രാന്‍ഡ്‌സ്‌ലാം കിരീടമാണിത്.

മൂന്നു സെറ്റിലും ഇരു താരങ്ങളും വാശിയേറിയ പോരാട്ടമാണ് കാഴ്ചവച്ചത്. ആദ്യ സെറ്റ് ടൈബ്രേക്കറിലൂടെ ഒസാക്ക നേടിയപ്പോള്‍ രണ്ടണ്ടാം സെറ്റ് ക്വിറ്റോവ സ്വന്തമാക്കി. മൂന്നാം സെറ്റില്‍ ബ്രേക്ക് പോയിന്റ് നേടി തുടക്കത്തില്‍തന്നെ കളിയില്‍ പിടിമുറുക്കിയ ഒസാക്ക കിരീടനേട്ടത്തിലേക്ക് നടന്നുകയറുകയായിരുന്നു. അവസാന സെറ്റില്‍ ഒട്ടേറെ അനാവശ്യ പിഴവുകള്‍ വരുത്തിയതാണ് ക്വിറ്റോവയുടെ തോല്‍വിക്കിടയാക്കിയത്.അഞ്ചു വര്‍ഷത്തിനിടെ ആദ്യമായാണ് ക്വിറ്റോവ ഒരു ഗ്രാന്‍ഡ്‌സ്‌ലാം ഫൈനലിലെത്തിയത്. നേരത്തെ രണ്ടണ്ടുതവണ വിംബിള്‍ഡണ്‍ ചാംപ്യനായിരുന്നു ക്വിറ്റോവ.