ക്വലാലംപൂര്‍: ചൈനയ്ക്ക് നല്‍കിയിരുന്ന 19 ബില്യന്‍ ഡോളറിന്റെ റെയില്‍ പ്രോജക്ട് മലേഷ്യ റദ്ദാക്കി. കരാര്‍ തുക വളരെ അധികമാണെന്ന് ചൂണ്ടിക്കാണിച്ചാണ് റദ്ദാക്കിയത്. രാജ്യത്തിന്റെ നിലവിലെ സാമ്പത്തികസ്ഥിതി അനുസരിച്ച് ഇത് പൂര്‍ത്തിയാക്കാന്‍ സാധിക്കില്ലെന്നാണ് മലേഷ്യന്‍ സര്‍ക്കാരിന്റെ വാദം.

കരാറുമായി മുന്നോട്ടുപോയിരുന്നെങ്കില്‍ മലേഷ്യ പ്രതിവര്‍ഷം 12.12 കോടി ഡോളര്‍ പലിശയായി മാത്രം ചൈനയ്ക്ക് നല്‍കേണ്ടിവരുമായിരുന്നുവെന്ന് ധനകാര്യ മന്ത്രി അസ്മിന്‍ അലി വ്യക്തമാക്കി.
മുന്‍ സര്‍ക്കാരിന്റെ കാലത്തുണ്ടാക്കിയ പല കരാറുകളും മലേഷ്യ പുനഃപരിശോധിച്ചുകൊണ്ടിരിക്കുകയാണ്. നിലവില്‍ 25,100 കോടി ഡോളറിന്റെ കടക്കെണിയിലാണ് മലേഷ്യ.1,960 കോടി ഡോളറിന്റെ ഈസ്റ്റ് കോസ്റ്റ് റെയില്‍ ലിങ്ക് പദ്ധതിയാണ് ചൈനയ്ക്ക് നല്‍കിയിരുന്നത്.