കല്‍പ്പറ്റ: ഓയിസ്‌ക ഇന്റര്‍നാഷണല്‍ സൗത്ത് ഇന്ത്യാതലത്തിലുള്ള 2015-16 വര്‍ഷത്തെ പ്രവര്‍ത്തന മികവിനുള്ള ഒായിസ്‌ക അവാര്‍ഡുകളില്‍ നാലണ്ണം ജില്ലക്ക്. കേരളം, തമിഴ്‌നാട്, കര്‍ണ്ണാടക, ആന്ദ്രപ്രദേശ്, മഹാരാഷ്ട്ര സംസ്ഥാനങ്ങളിലെ 101 ചാപ്റ്ററുകളില്‍ നിന്നും ജൈവ വൈവിധ്യ സംരക്ഷണം, വനവല്‍ക്കരണം, ജലസംരക്ഷണം എന്നീ മേഖലകളില്‍ മികച്ച പ്രവര്‍ത്തനങ്ങള്‍ക്കുള്ള അംഗീകാരമാണ് ഓയിസ്‌ക അവാര്‍ഡുകള്‍.
സൗത്ത് ഇന്ത്യയിലെ ചാപ്റ്ററായി ബത്തേരി ചാപ്റ്ററും, ചാപ്റ്റര്‍ സെക്രട്ടറി ഷാജന്‍ സെബാസ്റ്റ്യനും, ചാപ്റ്റര്‍ പ്രസിഡന്റായി കല്‍പ്പറ്റ ചാപ്റ്റര്‍ പ്രസിഡന്റ് എ.എം മുഹമ്മത് മാസ്റ്ററും, ഓയിസ്‌കനായി തോമസ് സ്റ്റീഫനും എ.പി.വൈ.എഫ് കോഡിനേറ്ററായി ഡോ. തോമസ്  തേവരയും അവാര്‍ഡുകള്‍ നേടി. മുട്ടില്‍ ഡബ്ല്യു.എം.ഒ. ആര്‍ട്‌സ് ആന്‍ഡ് സയന്‍സ് കോളജ് സംഘടിപ്പിച്ച ചടങ്ങില്‍ അവാര്‍ഡ് ജേതാക്കളെ ആദരിച്ചു.