കാസര്‍കോട്: മുസ്‌ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ക്കെതിരേ വ്യാജപ്രചാരണം നടത്തിയ സി.പി.എം പ്രവര്‍ത്തകന്‍ അറസ്റ്റില്‍. കാസര്‍കോട് ചൗക്കി സ്വദേശി സാജിദ് കുക്കാറിനെയാണ് കാസര്‍കോട് ടൗണ്‍ പൊലിസ് അറസ്റ്റ് ചെയ്തത്. യൂത്ത് ലീഗ് യുവജന യാത്ര നടക്കുന്ന സമയത്ത് മുനവ്വറലി ശിഹാബ് തങ്ങളും മകളും ഒന്നിച്ചുള്ള ഫോട്ടോ ഉപയോഗിച്ചാണ് സാജിദ് വ്യാജപ്രചാരണം നടത്തിയത്.
യൂത്ത് ലീഗ് മൊഗ്രാല്‍ പുത്തൂര്‍ പഞ്ചായത്ത് സെക്രട്ടറി ശഫീഖ് നല്‍കിയ പരാതിയില്‍ പൊലിസ് കേസ് രജിസ്റ്റര്‍ ചെയ്തിരുന്നു.
സംഭവത്തിനു ശേഷം വിദേശത്തേക്ക് കടന്ന സാജിദിനെ കാസര്‍കോട് എസ്.ഐ തന്ത്രപൂര്‍വം നാട്ടിലെത്തിച്ചു കഴിഞ്ഞ ദിവസം അറസ്റ്റ് ചെയ്യുകയായിരുന്നു.