കുന്നംകുളം: വടക്കാഞ്ചേരി കുന്നംകുളം റോഡില്‍ നിന്നും പാര്‍ക്കിങ് സ്ഥലത്തേക്ക് ഓട്ടോറിക്ഷ തള്ളി നീക്കുന്നതിനിടെ ഡ്രൈവറെ പൊലിസ് ശകാരിച്ചു. സംഭവത്തില്‍ പ്രതിഷേധിച്ച് തൊഴിലാളികള്‍ മിന്നല്‍ പണിമുടക്ക് നടത്തി.
രാവിലെ 11 ഓടെയാണ് സംഭവം. വടക്കാഞ്ചേരി റോഡിലൂടെ പോകുകയായിരുന്ന പൊലിസ് റോഡില്‍ നിന്നും ഓട്ടോ തള്ളി നീക്കുന്നത് കണ്ട് വന്ന പൊലിസുകാരന്‍ ഓട്ടോ ഡ്രൈവര്‍ വെള്ളറക്കാട് സ്വദേശി ബിജുവിനെ അസഭ്യം പറയുകയായിരുന്നുവെന്നാണ് പറയുന്നത്.
ഇതോടെ ഡ്രൈവര്‍മാര്‍ ഒന്നിച്ച് വാഹനങ്ങള്‍ നിര്‍ത്തയിട്ടു. ഒന്നര മണിക്കൂര്‍ നീണ്ട പണിമുടക്കിന് ശേഷം ഡി.വൈ.എസ്.പിക്ക് പരാതി നല്‍കിയ ശേഷമാണ് പണിമുടക്ക് അവസാനിപ്പിച്ചത്.
റോഡില്‍ മറ്റു വാഹനങ്ങള്‍ക്ക് തടസമുണ്ടാകുന്ന രീതിയില്‍ ഓട്ടോ നിര്‍ത്തിയത് മാറ്റിയിടാനായി പറഞ്ഞതാണെന്നും ഇതിനെ ഇയാള്‍ ചോദ്യം ചെയ്യുകയുമാണുണ്ടായതെന്നും പൊലിസ് പറഞ്ഞു.