ഷാര്‍ജ: ഷാര്‍ജ രാജ്യാന്തര പുസ്തകമേളയ്ക്ക് (എസ്‌ഐബിഎഫ്) ഇനി പുതിയ കേന്ദ്രം. പുസ്തകമേളയ്ക്ക് പുതിയ സൈറ്റ് അനുവദിക്കാന്‍ ഷാര്‍ജ ഭരണാധികാരിയും സുപ്രീം കൗണ്‍സില്‍ അംഗവുമായ ഷെയ്ഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി നിര്‍ദേശിച്ചു. ഷാര്‍ജ വലിയ പള്ളിക്ക് എതിര്‍വശം എമിറേറ്റ്‌സ് റോഡില്‍ സ്ഥിതി ചെയ്യുന്ന സ്ഥലം ലോകത്തെ ഏറ്റവും ശ്രദ്ധേയമായ പുസ്തകമേളയ്ക്ക് വേദിയായി മാറുമെന്ന് ഷാര്‍ജ മീഡിയ ഓഫിസ് അറിയിച്ചു.

ലോകത്തെങ്ങുമുള്ള പ്രസാധകരെയും എഴുത്തുകാരെയും വായനക്കാരെയും ആകര്‍ഷിക്കുന്ന ഈ വലിയ സാഹിത്യ പരിപാടി വര്‍ഷങ്ങളായി നടന്നുവരുന്നത് ഷാര്‍ജ എക്‌സ്‌പോ സെന്ററിലാണ്. ഇത്തവണ 19 ലക്ഷത്തോളം പേരാണ് 12 ദിവസം നീണ്ടുനിന്ന മേള സന്ദര്‍ശിച്ചത്. മേളയുടെ വൈവിധ്യമാര്‍ന്ന പരിപാടികള്‍ക്കും പ്രദര്‍ശകര്‍ക്കും സന്ദര്‍ശകര്‍ക്കും ഉള്‍ക്കൊള്ളാന്‍ മതിയായ സ്ഥലവും സൗകര്യങ്ങളും ഒരുക്കിയാണ് പരിപാടി നടത്തിയിരുന്നത്, അതേസമയം വാഹന പാര്‍ക്കിങ് വലിയ പ്രതിസന്ധി സൃഷ്ടിച്ചിരുന്നു. എല്ലാ ആധുനിക സൗകര്യങ്ങളോടും കൂടിയായിരിക്കും പുതിയ സ്ഥലത്ത് കെട്ടിടസമുച്ചയം ഉയരുക.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Sharjah authorities announce a new location for the renowned Sharjah International Book Fair, promising an enhanced literary experience.