ഒന്നു മൂത്രമൊഴിക്കാനിറങ്ങിയതാ കാറുമായി മോഷ്ടാക്കള് കടന്നു; മോഷ്ടിച്ചത് ബി.എം.ഡബ്ല്യു
നോയിഡ: ഒരു മൂത്ര ശങ്ക വരുത്തിയ വിനയേ. മൂത്രമൊഴിക്കനായി റോഡരികില് കാറു നിര്ത്തി പുറത്തിങ്ങിയതാ. ഒഴിച്ചു തീരും മുമ്പ് കാറുമായി മോഷ്ടാക്കള് കടന്നു. ചില്ലറ കാറൊന്നുമല്ല, ബി.എം.ഡബ്ല്യു ആണ് മോഷ്ടിച്ചത്. ശനിയാഴ്ച രാത്രിയില് ഉത്തര്പ്രദേശിലെ സെക്ടര് 90ല് വെച്ച് ഋഷഭ് അറോറ എന്ന സ്റ്റോക്ക് ബ്രോക്കറുടെ വാഹനമാണ് മോഷ്ടാക്കള് തട്ടിയെടുത്തത്.
രാത്രിയില് പാര്ട്ടി കഴിഞ്ഞ് ഭാര്യയുടെ സഹോദരന്റെ ബിഎംഡബ്യു കാറില് മടങ്ങിവരികയായിരുന്നു ഋഷഭ്. ഇടക്ക് മൂത്രമൊഴിക്കാനായി റോഡരികില് നിര്ത്തി. കാറില് നിന്ന് ഇറങ്ങിയ ഉടനെ ബൈക്കിലെത്തിയ മോഷ്ടാക്കള് തോക്കുചൂണ്ടി ഭീഷണിപ്പെടുത്തി വാഹനവുമായി കടന്നുകളയുകയായിരുന്നു. ഈ സമയം താന് മദ്യപിച്ചിരുന്നതായി ഋഷഭ് പൊലിസിനോട് സമ്മതിച്ചു.
സംഭവത്തിന് പിന്നില് കാറിന്റെ ഉടമയെ പരിചയമുള്ള വ്യക്തികളാണെന്ന് സംശയിക്കുന്നതായി ഋഷഭ് പൊലിസിനോട് പറഞ്ഞു. വാഹനത്തിന് 40ലക്ഷത്തോളം രൂപ വായ്പ അടയ്ക്കാനുണ്ട്.
സംഭവത്തില് കേസെടുത്തു അന്വേഷണം തുടങ്ങിയതായി പൊലിസ് പറഞ്ഞു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."