ജിദ്ദ: റോഡിലൂടെ അലഞ്ഞ് നടന്നിരുന്ന ഒട്ടകം ജോര്‍ദ്ദാനില്‍ നിന്നുള്ള ഉംറ തീര്‍ഥാടകര്‍ സഞ്ചരിച്ച ബസില്‍ ഇടിച്ച് ഒരാള്‍ മരിച്ചു. 52 തീര്‍ഥാടകര്‍ക്ക് പരിക്കേറ്റു. മദീനയിലേക്കുള്ള വഴിയില്‍ സഊദിയിലെ തബൂക്ക് പ്രവിശ്യയിലെ തൈമാഇല്‍ വെച്ചാണു അപകടം സംഭവിച്ചത്.

 

റെഡ് ക്രസന്റിന്റെയും ആരോഗ്യ മന്ത്രാലയത്തിന്റെയും എമര്‍ജന്‍സി ടീം അപകട വാര്‍ത്ത അറിഞ്ഞയുടന്‍ സ്ഥലത്തെത്തി ആവശ്യമായ രക്ഷാ പ്രവര്‍ത്തനങ്ങള്‍ നടത്തി. അതേ സമയം അപകടത്തില്‍ സാരമായി പരിക്കേറ്റ നാലു പേരെ തൈമാ ജനറല്‍ ആശുപത്രിയിലേക്ക് മാറ്റി. മറ്റുള്ളവര്‍ക്ക് പ്രാഥമികചികിത്സ നല്‍കി വിട്ടയച്ചു. 

 

സഊദിയിലെ പ്രാന്ത പ്രദേശങ്ങളില്‍ റോഡിലൂടെ അലഞ്ഞ് തിരിയുന്ന ഒട്ടകങ്ങളില്‍ വാഹനങ്ങള്‍ ഇടിച്ച് പലപ്പോഴും അപകടങ്ങള്‍ ഉണ്ടാകാറുണ്ട്‌