ന്യൂഡല്‍ഹി: വധശിക്ഷ സ്റ്റേ ചെയ്യണമെന്ന് ആവശ്യപ്പെട്ട് നിര്‍ഭയ കേസ് പ്രതികള്‍ രാജ്യാന്തര കോടതിയെ സമീപിച്ചു. അക്ഷയ്, പവന്‍, വിനയ് എന്നിവരാണ് അന്താരാഷ്ട്ര നീതിന്യായ കോടതി(ഐസിജെ) യെ സമീപിച്ചത്.

നിര്‍ഭയ കേസ് പ്രതികളിലൊരാളായ മുകേഷ് സിങ് വീണ്ടും തിരുത്തല്‍ ഹരജിയ്ക്ക് അനുമതി തേടി നല്‍കിയ ഹരജി സുപ്രിംകോടതി തള്ളിയതിനു പിന്നാലെയാണ് നീക്കം. മുകേഷിന് നിയമപരമായ എല്ലാ സാധ്യതകളും അനുവദിച്ചുകഴിഞ്ഞുവെന്ന് കോടതി വ്യക്തമാക്കി.

നിര്‍ഭയ കേസിലെ നാല് പ്രതികളെയും മാര്‍ച്ച് 20 ന് തൂക്കിലേറ്റാന്‍ പട്യാല ഹൗസ് കോടതി മരണവാറന്റ് പുറപ്പെടുവിച്ചിരുന്നു.