പാനൂര്‍: ജംഇയ്യത്തുല്‍ മുഅല്ലിമീന്‍ ജില്ലാ കലാമേളയുടെ ആദ്യദിനംആസ്വാദകരുടെ മനം കവര്‍ന്ന ബുര്‍ദ മജ്‌ലിസോടെ അവസാനിച്ചു.
ഇമാം ബൂസൂരിയുടെ കാവ്യശകലങ്ങള്‍ക്ക് പോരാട്ടത്തിന്റെ ഈരണിയില്‍ തലശ്ശേരി, കണ്ണൂര്‍ മേഖലകള്‍ വിജയം നേടി.
സീനിയര്‍ വിഭാഗത്തില്‍ തലശ്ശേരി മേഖലയിലെ പുളിയനമ്പ്രം മനാറുല്‍ ഇസ്‌ലാം മദ്‌റസ ഒന്നാംസ്ഥാനം നേടി. പയ്യന്നൂര്‍ മേഖലയിലെ പിലാത്തറ അന്‍വാറുല്‍ ഇസ്‌ലാം മദ്‌റസ രണ്ടും കണ്ണൂര്‍ പാപ്പിനിശേരി ജാമിഅ അസ്അദിയ ഇസ്‌ലാമിയ ബോര്‍ഡിങ് മദ്‌റസ മൂന്നാം സ്ഥാനവും കരസ്ഥമാക്കി.
സൂപ്പര്‍ സീനിയര്‍ വിഭാഗത്തില്‍ ഒന്ന്, രണ്ട്, മൂന്ന് സ്ഥാനങ്ങളില്‍ യഥാക്രമം കണ്ണൂര്‍ മേഖലയിലെ കണ്ണൂര്‍ മനാറുല്‍ ഹുദ, തലശ്ശേരി മേഖലയിലെ നൂറുല്‍ ഇസ്‌ലാം സെക്കന്‍ഡറി, തളിപറമ്പ് മേഖലയിലെ കമ്പില്‍ തഅ്‌ളീമുല്‍ ഇസ്‌ലാം മദ്‌റസ കരസ്ഥമാക്കി.
മുഅല്ലിം വിഭാഗത്തില്‍ ഒന്നാം സ്ഥാനം പാപ്പിനിശേരിയും, രണ്ടാം സ്ഥാനം മാതമംഗലവും മൂന്നാം സ്ഥാനം തൂവക്കുന്നും നേടി.