ന്യൂഡല്‍ഹി: കൊവിഡ്-19 വ്യാപകമാകുന്ന പശ്ചാത്തലത്തില്‍ മാര്‍ച്ച് 25വരെ മൂന്നു ദിവസം രാജ്യത്തെ എല്ലാ ട്രെയിന്‍ സര്‍വിസുകളും നിര്‍ത്തി വെക്കാന്‍ റെയിേല്‍വേ ബോര്‍ഡ് യോഗത്തില്‍ തീരുമാനമായി.സോണല്‍ മാനേജരന്മാരുമായുള്ള വീഡിയോ കോണ്‍ഫറന്‍സിലാണ് ബോര്‍ഡ് തീരുമാനം അറിയിച്ചത്.

റെയില്‍വേ മന്ത്രാലയവും അനുകൂല തീരുമാനം എടുത്തേക്കും. ഞായറാഴ്ച അര്‍ധരാത്രി മുതല്‍ പുറപ്പെടുന്ന ട്രെയിനുകളാണ് റദ്ദാക്കുക.അതേ സമയം ഇപ്പോള്‍ സര്‍വിസ് നടത്തുന്നവ സര്‍വിസ് പൂര്‍ത്തിയാക്കും. ട്രെയിന്‍ യാത്രയിലൂടെ കൊവിഡ്-19 പകരുന്നത് ഒഴിവാക്കാനാണു കടുത്ത നടപടികളിലേക്കു റെയില്‍വേ നീങ്ങുന്നത്.

ജാര്‍ഖണ്ഡ്, ബംഗാള്‍ സര്‍ക്കാരുകള്‍ തങ്ങളുടെ സംസ്ഥാനങ്ങളിലേക്കുള്ള എല്ലാ ട്രെയിന്‍ സര്‍വീസുകളും അടിയന്തരമായി നിര്‍ത്തി വയ്ക്കണമെന്നു റെയില്‍വേ മന്ത്രാലയത്തോട് ആവശ്യപ്പെട്ടിട്ടുണ്ട്.