കൊല്ലം: കഴിഞ്ഞ 68 വര്‍ഷക്കാലമായി സംഘടനയുടെ താലൂക്ക് യൂനിയന്‍ മന്ദിരം സ്ഥിതി ചെയ്യുന്ന രാമന്‍കുളങ്ങരയിലെ ഭൂമി പതിച്ചു നല്‍കുന്നതിന് സര്‍ക്കാര്‍ കാട്ടുന്ന അനാസ്ഥയില്‍ പ്രതിഷേധിച്ച് ഈ മാസം അവസാന വാരം കലക്ടറേറ്റിലേക്ക് മാര്‍ച്ചും ധര്‍ണയും നടത്തുമെന്ന് കേരള തണ്ടാന്‍ മഹാസഭ കൊല്ലം യൂനിയന്‍ പ്രസിഡന്റ് ജി. ശ്രീദാസന്‍ കേരളപുരവും സെക്രട്ടറി എന്‍.രഘുനാഥനും അറിയിച്ചു.
രാമന്‍കുളങ്ങര ജങ്ഷന്‍ വികസനവുമായി ബന്ധപ്പെട്ട് റോഡിനോട് ചേര്‍ന്നിരിക്കുന്ന ഗണപതി വിഗ്രഹം മാറ്റി സ്ഥാപിക്കാന്‍ ആവശ്യമായ സ്ഥലം നല്‍കുമെന്ന് ക്ഷേത്രഭാരവാഹികള്‍ക്ക് ഉറപ്പുകൊടുത്ത കോര്‍പ്പറേഷന്‍ അധികാരികള്‍ പട്ടികജാതിക്കാരന്റെ സംഘടനാഭാരവാഹികളായ തങ്ങളുമായി ഇതുസംബന്ധിച്ച ഒരു ചര്‍ച്ചയും നടത്തിയിട്ടില്ലായെന്നും ഭാരവാഹികള്‍ പറഞ്ഞു.