ചവറ: അവധിക്കാലം വിജ്ഞാനത്തിന്റേയും അറിവുതേടലിന്റേയും ആഘോഷമാക്കി ചവറ സൗത്ത് കാസ്‌കറ്റ് ലൈബ്രറി ആന്‍ഡ് റീഡിങ്ങ് റൂം സംഘടിപ്പിച്ച വേനല്‍മഴ വിനോദവിജ്ഞാന ക്യാംപ് ശ്രദ്ധേയമായി.
ഗായിക പി.കെ മേദിനി ക്യാംപിലെത്തിയത് കുട്ടികള്‍ക്ക് ഏറെ സന്തോഷമായി മാറി. തെക്കുംവിള ക്ഷേത്രം ഓഡിറ്റോറിയത്തില്‍ നടന്ന ക്യാംപ് കരുനാഗപ്പള്ളി താലൂക്ക് ലൈബ്രറി കൗണ്‍സില്‍ എക്‌സിക്യൂട്ടീവ് അംഗം സുരേഷ് വെട്ടുകാട്ട് ഉദ്ഘാടനം ചെയ്തു.
പി.കെ മേദിനിയെ രക്ഷാധികാരി ആര്‍ ഷാജി ശര്‍മ ഷാള്‍ അണിയിച്ചു ആദരിച്ചു. ലൈബ്രറി പ്രസിഡന്റ് ജെ. മൈക്കിള്‍ അധ്യക്ഷനായി.