തിരുവനന്തപുരം: അടുത്ത അധ്യയനവര്‍ഷത്തേക്കുള്ള സൗജന്യ പാഠപുസ്തകങ്ങളും യൂനിഫോമും സ്‌കൂളുകളില്‍ വിതരണത്തിനായി എത്തിയതായി വിദ്യാഭ്യാസ മന്ത്രിയുടെ ഓഫിസ് അറിയിച്ചു.
വിതരണത്തിന്റെ സംസ്ഥാനതല ഉദ്ഘാടനം എല്‍.ഡി.എഫ് സര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച് നാളെ ഉച്ചക്ക് 12ന് മണക്കാട് ഗവ. ഹയര്‍സെക്കന്‍ഡറി സ്‌കൂളില്‍ മുഖ്യമന്ത്രി പിണറായി വിജയന്‍ നിര്‍വഹിക്കും.
മന്ത്രിമാരായ സി. രവീന്ദ്രനാഥ്, എ.സി മൊയ്തീന്‍, വി.എസ് ശിവകുമാര്‍ എം.എല്‍.എ, ശശി തരൂര്‍ എം.പി, മേയര്‍ വി.കെ പ്രശാന്ത്, ജില്ലാ പഞ്ചായത്ത് പ്രസിഡന്റ് വി.കെ മധു തുടങ്ങിയവര്‍ പങ്കെടുക്കും.